ده تاني تدوينة بتثير فيها موضوع الألم وهو موضوع جوهري وصعب جداً وكتير بحس بالعجز أمامه. أتعرضت لبعض المواقف في حياتي، يمكن مكونتش أنا المتضرر، بس شوفت بعض المواقف في أشخاص أعرفهم جيداً، كانت بتخالني مش قادر أفهم حاجة عن الحياة وعن الله وعن رحمته والأيمان كمان. ويمكن لحد دلوقتي كتير مش بعرف أفهم.

لكن في حاجتين بعرفهم بيساعدوني كتير. أولاً أني بؤمن بالله آلي مرفضش يعيش الألم يعيني مسابش الأنسان يتألم وقعد يتفرج عليه، يمكن ميكونش عاش كل أنواع الألم بس مرفضش يعيش الألم بشكل عام، يمكن يكون بيعيش الألم مع كل واحد بيتألم،.

الحاجة التانية، وهي أني لو فضلت أتفرج على الألم بس من بعيد وأنا خايف أتعامل معاه، أو لو هربت منه لأني مش قادر أتحمل أشوف حد بيتألم لهذا الحد، أنا كده مش بكون بعمل غير أني بزود ألم آلي بيتألم، يمكن حتى لو مش قادر أفهمه بس على الأقل مش هاكون سلبي قدامه وهزوده.

مش عارف ده مجرد نظرة للموضوع، نظرة شخصية، بتساعدني أعيش بشكل معين ممكن تكون غلط وممكن تكون بتخليني أعيش كمان بشكل غلط بعض الأحيان. بس حبيت أشاركك بيها.

The Eyewitness
http://theeyewitness.blogsome.com/