صَدر الحُكم على عبد الكريم بأربع سنوات، ثلاثة لازدراء الأديان و واحدة لإهانة رئيس الجمهورية. لم يحزنني الحُكم بقدر ما أحزنتني ردودُ الأفعال الشعبية عليه. هنا بعضُ ما سمعتُ، من غير تعليق!
"أهم دول زّيه بالضبط! هما دول إللي موديينا في داهية!"
(شابٌ يخاطب زميله بينما يستمع لعلاء يدلي بتصريح لقناة الجزيرة)
"ده كان عايزله قلمين يعدلوه"
(عابر سبيل)
" لازم يتقتل!"
(مواطن هبّ من القهوة تاركاً الشيشة عندما رأى المتجمعين؛ ثم قال كلمته وعاد إلى القهوة)
".... و مما سبق، و بعد أن قام المتهم بسبّ أشرف الخلق؛ يتبين أنه يستحق القتلّ"
(مواطن آخر كان يدلي بتصريح لإحدى الفضائيات - و قد بدا من هيأته الجادة أنه يقول كلاماً منطقياً فوقفتُ استمع له!)
"دي حكومة علمانية بنت وسخة!"
(عابر سبيل)
"- مش هو ده الواد إللي بدّل دينه؟
- إنتِ تعرفي القضية دي عن إيه؟
- أيوة، عن الواد إللي بدّل دينه..."
(جزء من حوار بيني و بين بائعة خضار)
"ممكن نقول أن السبب في الموضوع ده يرجع إلى سنة 85 لما الحكومة لغت مادة الدين و خلّتها مادة مش أساسية. ده أدى للنتيجة إللي إحنا شايفينها دلوقتي، و بالتالي الشباب إللي كبر بعد كدة أصبح الدين بالنسبة له غير أساسي"
(مواطن محترم يدلي بتصريح - جاد - لقناة فضائية)
...
و بالمرّة!
"المجمع المُقدّس يقرر فصل بباوي بالإجماع بسبب هجومه على البابا شنودة"
(مانشيت المصري اليوم، صباح يوم الجمعة)
Hi there, m3lesh a question
Hi there, m3lesh a question out of context.. did u happen 2 add me on msn?? coz sum1 with the email mena.gerges@*****.com has added me recently but hasn't shown up online yet.. so was just checkin if it were u or not :)
Thx a lot :)
no
ردود أفعال الناس عادية جدا
ولست اقول اني اتفق معها
الطبيعي ان يكون هذا هو رد فعل الناس
هناك مشكلتين الان
ان شعور المسلم بان دينه مهان ومحاط يجعله يعتبر ان اي عمل فردي في الردة او السخرية من الاسلام هو ضمن المؤامرة الكبري علي الاسلام
اذن العقل الجمعي للامة يربط كل صغيرة وكبيرة بعبدالكريم
لانه منهم ومعهم ضد الناس التانيين اللي هما المسلمين اللي متبهدلين في بقاع الارض
طب مين رسخ المفهوم ده؟
الخطاب الديني الانتحاري اللي شغال بقاله 30 سنة
يبقي لما احط في كباية حبر واحاول اخد منها لبن ما ينفعشي واللا ايه ؟
الحاجة الثانية
فجاجة العلمانيين واحتكارهم لما يسمونه بالحقيقة الانسانية وانهم يمتلكون الفهم الصحيح لانهم حداثيون
ولانهم يعرفون شوية نظريات من هنا وهناك
هم ايضا انتحاريون وهم المسؤولون ايضا عن تشويه صورة العلمانية
واعطوا الاسلاميين ذخيرة كافية لحرقها
واغبياء مثل عبد الكريم ...يجعل الصورة اسود واحلك
انا مع حقه في البوح وان كنت استطيع ان اجلس معه في منتدي عام ادحض كلامه عبارة عبارة
لكني في نهاية اليوم اريده ان يذهب الي بيته سالما لا يؤذيه احد
العنف المجتمعي
اللي بنسمعه في كلام مثل
اياكش يولع - ربنا يحرقه - ده كلب وانزاح
هو عنف نابع من غضب واحباط شديدين
يعني لما كان ابن الراوندي يدعو الي الالحاد ويؤصل في بطلان الديانات
مكنشي حد بيجي ناحيته
وحتة بتاع اسمه غبد الكريم يهدد الدين الاسلامي ؟
كلام فارغ طبعا
النقطة الاهم
ردود الافعال عادية
نفهم ليه
وبعدين نرد بطريقة نتواصل معهم بها
مش نزعق فيهم
لان الزعيق فيهم بيخليهم يقولوا
وانتم كمان كفرة
العقل الجمعي للامة مليئ بالمشاكل
والحل هو معالجة هذه الذاكرة الجمعية
بالترسيب
وبالهدوء احيانا وبالصدمات احيانا اخري
بس بشرط عدم احتقارهم
الاصل هو البحث عن حل
وليس لعن المشكلة
واوجه الكلام ده لنفسي اولا
لاني كنت من الزاعقين لفترة طويلة برضك
والله اعلم
هما دول المصرييين
زي ما في ناس اديت ردود الأفعال دي في نلس كتيييييييييييييييييييييييييييييييييييييييييييييييييييير قوي واقفه مع عبدالكريم مدونين و مثقفين و ناس عاديه لكن عندهم وعي........... و بعدين ردود الفعل دي مش غريبه عن الناس......عايز تعرف رد الفعل اللي انا بجد مكنتش مصدقاه ايه؟؟؟؟ اما حصلت مشكله اللاجئين السودانين اما اعتصموا ادام المفوضيه في المهندسين و حصلت مجزره بمعنى مجزره الأمن المركزي عدمهم العافيه انا كنت الوحيده اللي متاعطفه معاهم و كانت ردود الفعل الشعبيه حاجات زي اللى انت كاتبها دي............." هي ناقصاهم ولاد الكلب دول ما يروحوا بلدهم" و
"هم اصلا كانو عاملين شغب و كان لازم الأمن يعمل كده"
و "احسن يا ريت كلن خلص عليهم كلهم بدل ما هم كده عاملين اشغال طريق " "هما على فكره مكانوش معتصمين ولا حاجه دول كانوا شويه سكرانين" و " هوا احنا لأقين ناكل لمل حنأكل ولاد الهيرمه دول" هو ده الشعب المصري يا سيدي العادي
menaaaaaa
akeed mawdou3 el hokm day2eny haga te2reef w fe3laan el aswaa2 redoud el af3aal ...dah deih kaman redoud omaal ba2a te3mel eih fel nas el may3rafoush el mawdou3 aslun w doul aghlaab el nas ...begad among my family and friends they know nothing about el mawdou3 w lama ba2oulohm el mawdou3 w madaa el zolm w el araf w el hokm el mehabab ..they agree that he should be jailed!!!
shee2 la yousadekho 3akl
نعم ردود الفعل
نعم ردود الفعل الشعبية ضد عبدالكريم مرعبة اكثر من المحكمة نفسها , انة عصر الظلمات , لم يعد الموضوع حرية تعبير عن الرأي , أصبح تعدي على حريتنا الاساسية الاولى , حريتنا بالتفكير , عمليات غسيل الدماغ للمؤساست الدينية هي نوع من الارهاب الفكري اللذي يمارس ضدنا يوميا , أصبحنا مرعوبين حتى ان نفكر
ولن نمضي قدما ما لم نحرر عقولنا من هذا الاستحواذ ومن هوس العقيدة
دى عالم جاهله
معظم الناس اللى اتجمهروا بره المحكمه ميعرفوش مين كريم ولا كتب ايه مجرد انهم شافوا الكاميرات حبوا انهم يحشروا نفسهم فى حاجات مالهمش فيها كعادة الشعب المصرى دائما وكل واحد عملك فيها شيخ و مفكر واصدروا فورا احكامهم اللى بتدل على جهلهم وتخلفهم
يلا القضيه شبه انتهت والكلام مش هيغير حاجه
http://fadywe.spaces.live.com/
:) عجبنى جدا المقارنه فى السطر الخير :]
أوجد 10 أوجه تشابه
يستاهل
بصراحة فرحان لان ده حكم عادل
حاور الاديان بس متزدريهاش
انتقد سياسة الرئيس بس متهينوش
انا شايف انه مذنب و ان الحكم عليه صحيح
مش حكاية بدل دينة و مش عارف ايه .. هو نفى عن نفسه تلك التهمة رغم كتاباته الالحادية